Akissarsisoqarmat politiit ulapitsitaapput
Nuummi politiit sapaatip akunnerani qaangiuttumi ulapissimaqaat
- Qaammammusiat tunniunneqartarneranni sapaatip akunnera qaangiuttoq illumi perulluliornerit, aalakoortut aqqusinermilu perulluliornerit amerlassusaat eqqarsaatigalugit ulapinnerpaaffiugunarpoq.
Taamatut allappoq Nuummi politiini politikommissær Niels Nyvang.
Sapaatip akunnerata kingulliup ingerlanerani politiit suliaasa ilaat makkua nassiupai:
* Nakuusernerit 3
* Pinngitsaaliineq 1
* Illumi perulluliornerit 25, taakkunannga tallimani meerartaqarluni
* Angallammi/umiarsuarmi tillinniarnerit
* Inissimit/inigisamit assigisaannillu tillinniarnerit 7
* Biilimik aallarussinerit 2
* Ikiaroornartoq pillugu inatsimmi suliassat 5 - tuniniaanermik/tigumiaqarnermik suliassat annikinnerit. Suliassat marluk Qeqertarsuatsiaani tigumiaqarnerit.
* Aalakoorluni biilertoq 1