Jens B. alianartumik nalaataqarpoq
Ari Blidorf Frederiksen Jens B. Frederiksenip aleqaa tallimanngormat Vejlemi toquvoq
Sydøstjyllandip Politiivisa arnap kalaallip 47-nik ukiullip tallimanngormat unnukkut Vejlemi 3- salimit nakkarluni toqusup aqqa nalunaarutigaat.
Tassani pineqarpoq Ari Blidorf Frederiksen Moldevejimi najugaqartoq, Vejle Amts Folkeblad allappoq.
Ineqarnermut, attaveqarnermut angallannermullu naalakkersuisoq Jens B. Frederiksen Demokraatineersoq arfininngormat Facebookimi nittartakkamini allappoq:
- Aleqara siusippallaarujussuartumik toquvoq. Aliasoqaanga. Nukivulli meeraanut atortariaqarpavut.
Læs også "Intet kriminelt bag kvindes styrt fra altan"
Læs også "47-årig kvinde er død efter fald fra altan"
Politiit toquneranut peqqutaasunik paasiniaajunnaarput. Tamanna ajunaarnermik peqquteqarpoq, naliliipput.
Politiit aallaqqaammulli suliaq toqutsisoqarsimasinnaaneratut ingerlappaat pisoqarfimmi takussutissanik misissuillutik, soorlu aamma arnap ilaqutai eqqaamiuilu killisiorneqarlutik, arnarlu aamma pilallugu misissorneqarluni.