Ilisimatuut silap allanngorujussuarneranik kalerriut utertippaa

Sermersuup aakkiartornera siullermik annilaanngatigisamit ingasannginnerusoq ilisimatuut paasisaannit kingullernit uissuumminartoq tutsiuppoq

Assi: Sermitsiaq.AG

Kalaallit Nunaanni ukioq manna kiannerujussua silallu pissusaata allanngornera maluginiarneqarput.

Sisamanngornermi tusarliunneqarpoq Danmarkimit sermimik misissuisartut nuimanerpaartaat, professor Dorthe Dahl-Jensen, Københavns Universitetimi Is og Klima immikkoortortaqarfiannit isumaqarpoq, nunarsuarmi silaannaq annilaannganartumik allanngoriartortoq. Aammalu sermersuup aakkiartornerata nassataanik imarpissuit ukiut 100 ingerlanerannni 0,9 aamma 1,6 meteri akornanni qaffassasut.

Kisianni taamak ajortigigunanngilaq.

Danskit ilisimatusarlutik paasisaasasa nutaat ersersippaat ukiuni nutaajunerusuni aatsaat perngaamik sermersuaq aakkiartunngitsoq aammalu ineriartorneq imminut iluarsartuunnermik nassataqassagunartoq.

- Qularutigineqassanngilaq pinngortitami allanngorarnerujussuit ilungersunartumik isigigatsigit. Tunngaviatigut inuit ilaasa annilaanngagisaanik taamak sukkatigisumik aakkiartortoqarnissa ilimagineqanngilaq, Kristian Kjeldsen DR Nyheder-inut oqarpoq..

Suleqatini KU, DTU aamma Aarhus Universitetimeersut peqatigalugit Kristian Kjeldsenip paasisat nutaat suliarai.

Ilisimatusarnerup ersersippaa sukkasuumik aakkiartorneq ukini kingullerni tallimaniit arfineq-pingasut tungaannut takuneqartoq kigaatsumik annikilliartussangatinneqarpoq.

Powered by Labrador CMS