Nalunaarasuartaateqarnermi aqutsisut: Internetimi akigititassanik siunnersuuteqangajalerput

Aggustip septembarilluunniit naalernerani kisitsisinik internetimi namminersortunngorsaanissamut aallaaviusussanik naatsorsuinerminnik Nalunaarasuartaateqarnermi aqutsisunit naatsorsuutigineqarpoq.

Aqutsisut kisitsineranni Tele Greenlandip internetimi periarfissanik tunisisarnermut suliffeqarfimmit namminersortumit Nuuk Skynetimit annerpaamik akiliutigitittagassaa pineqarpoq, suliffeqarfik namminersortoq sullitaminut internetimut attaveqaatinik pilersuisinnaaleqqullugu.

Tele Greenland qitiusumik inissisimaffeqarpoq suliffeqarfik nunanit allanit paasissutissanik aallersinnaanermut kisermaassisuummat. Nuuk Skynetili 2009-mi suliffeqarfimmut namminersorlutik oqartussanit pigineqartumut neqeroorutinik piumalluni saaffiginnikkaluartoq illuatungeriit isumaqatigiissinnaasimanngillat. Taamaattumik Tele Greenlandip Nalunaarasuartaateqarnermi aqutsisut akimik suliffeqarfiit taakkua marluk naapeqatigiissutigisinnaasaannik naatsorsueqqullugit qinnuigisimavai.

Allaaserisaq tamaat uani sapaatit akunnerani Sermitsiami atuaruk. Aviisi qarasaasiakkoortoq uani aamma pisarisinnaavat: