Nunarsuarmiut kingornuttagaat ukiunik 40-nik nalliuttorsiutigineqartut
Unescop Nunarsuarmiunut kingornuttagassatut toqqagai Ilulissat Kangerluata peqataaffigisaa sapaatip akunnerata naanerani Ilulissani nuannisaqatigiinnermik malunnartinneqassaaq
Annonse
Naak, Ilulissat Kangerluat "aatsaat" 2004-miit Unescop Nunarsuarmiunut kingornuttagassaanik allassimaffimmi peqataaleraluartoq, ukiut 40 matuma siorna Nunarsuarmi sumiiffiit immikkuullarissut illersorneqarnissaannik allattuiffiup pilersinneqarnera nalliussineqassaaq.
Arfininngorpat nunarsuarmiut kingornuttagai nalliussineqassapput tamannalu Ilulissat Isfjordskontorip aaqqissuusseqataaffigissavaa.
- Sermermiunut pisuttuaqatigiinnissaq aaqqissuupparput Holmip qattorngata eqqaani siaassaasaagut. Nalunaaqqutaq 14.00 aallartissaagut soqutiginnittullu tamarmik tikilluaqqusaapput. Heliportitoqap maanna Qaqiffiup eqqaanit aallassaagut, aaqqissuisut nalunaarput.