Angutit GM-puljenut agguataarnerat piareerpoq
Aasaq manna isikkamik arsaannermi GM kingulleq piareerpoq, angutit Ilulissani tullianik marlunngornermit pissartanngorniutissapput. Puljet maanna piareerput illersukkavit kikkut naapissaneraat takukkit
Annonse
Kalaallit Nunaanni isikkamik arsaannermi pissartanngorniunnerit kingulleq aallartingajalerpoq. Sapaatip akunnerata siuliani U 18 GM aamma arnat GM-ernerat ingerlanneqarput. Sapaatip akunnerata tulliani aggustip arfernganni angutit inersimasut isikkamik arsaallutik nunatsinni pissartanngorniutivinnerat aallartissaaq.
Ataasinngornermi puljeni marlunni peqataasussat inissinnissaat makitsissutigineqarpoq, anngunniunnerit naammassinerisa kingorna. Puljet marluk imak isikkoqalerput:
Pulje 1:
1. UB-83, Upernavik.
2. Eqaluk-54, Tasiusaq.
3. G-44, Qeqertarsuaq.
4. SAK, Sisimiut.
5. FC Malamuk, Uummannaq.
Pulje 2:
1. B-67, Nuuk.
2. Kugsak-45, Qasigiannguit.
3. Nagdlúnguak, Ilulissat.
4. Nagtoralik, Paamiut.
5. ATA, Tasiilaq.