Biilerluni qimaasoq pusilluni tuppoq

Nuummi politiit imigassartorsimalluni biilimik mianersuaatsumik ingerlatsisoq suli misissuiffigaat

Nuummi politiit sapaammi ullaakkut imigassartorluni biilersimasumik tigusarinnipput. Assi: Leiff Josefsen

Søndag morgen endte vanvidskørsel ganske brat for en bilist i Nuuk. Sapaammi ullaakkut Nuummi biilimik mianersuaatsumik ingerlatsisoq tassanngaannaq unitsinneqarpoq.

Biilertup napparut uppisissimavaa, tamatuma kingorna ingerlaqqissimariarluni Eqalugalinnguani ajutoorpoq. Siullermik biilertup illu eqqorsimavaa kingorna biilit pusillutik.

Nuummi politiini pigaartoq Sermisiaq.AG-mut ilisimatitsivoq inuk ataaseq tigusarineqartoq taannalu imigassartorsimalluni biilimik ingerlatsisimasutut pasisaasoq. Biilimik ingerlatsisoq kimillassimanngilarluunniit.

Suliaq suli misissuiffigineqarmat allanik paasissutissaateqanngikkallarpugut aamma ilisimanngilarput biilertup nammineq biili pigisani ingerlassimaneraa.

Powered by Labrador CMS