Misilitsinneq: Ukiukinnerpaamik 4. DAN-inngortitsineq

20-nik ukiulik Jonathan Jonathansen nunatsinni 4. Dan-imik angusisuni ukiukinnerpaavoq

Tunorlerni saamerlerniit takuneqarsinnaapput Frederik A. Nielsen, Jonathan Jonathansen aamma Lars L. Sørensen. Saarlerni saamimmiit: Johannes Reimer, Professor Doktor Grandmaster Leong Wai Meng aamma Lena Reimer. Asseq: Greenland Taekwon-Do Federation

Sapaammi misilitsinnerit qaqutigoornerit ilaannik pisoqarpoq, 20-nik ukiulik Jonathan Jonathansen Sisimiuni 3. Danimiit 4. Danimut misilitsimmat.

Professor Doktor Grandmaster Leong Wai Meng, misilitsittoqarneranik isumaginnittuusoq, naammagisimaarinnittorujussuuvoq, oqaluttuarporlu, Jonathan Jonathansen nunatsinni 4. Danimik angusisut maannamut ukiukinnersarigaat.

Taama Greenland Taekwon-Do Federation allappoq.

Powered by Labrador CMS