Spejderit naapinnerat

Ullumi spejderit nunarsuarmi tamalaaneersut danmarkimi oqaluttuarisaanermi spejderit tammaarsimaarnissaanni aatsaat taamak amerlatigisunik peqataaffigineqartoq "Spejdernes Lejr" Holstebrop eqqaani ornigarpaat. 35.000't akornanni Kalaallit Nunaanni Spejderit 23't peqataapput.

Tamanna DSB'mi aamma Danmarkimi bussiutilinnit ulapaarnermik nassataqarpoq.

Arfininngorneq ulloq angalaarfiuvoq Holstebro marloriaammik annerulerfissaa. DSB qimuttuitsut immikkut angalasut qulingiluat ingerlaartippaat nal. 08'miit unnukkut 20'mut bussit 528't 1,5 minutsikkaarlutik Holstebromi "Spejdernes Lejr" tikittassallugu.

DSB'mut suliaq annertoorujussuaq.

- Suliassaq annertujaarpoq. Siorna aggustip aallaaqqaataanili spejderit amerlaqisut pitsaanerpaamik angallanneqarnissaat qulakkeerniarsimavarput. Københavnimit qimuttuitsut immikkut ittut spejderinut 6000'nut inissallit angalatippagut, tamatuma saniatigut Danmarkimi qimuttuitsut nalinginnaasut arlalinnik ilavagut. Banedanmark suleqatigalugu qulakkeerniarsaraarput aamma qimuttuitsut aqqutaannik annermik ulluni makkunani suliaqartoqassanngitsoq, DSB Trafik'imi immikkoortortami pisortaq Claus Kirchoff oqarpoq.

DSB'mit ingerlatsinermik ataqatigiissaarisartoq aggersarsimavarput, ingerlatsinermik qitiusoqarfimmit angallattut aqunneqarsinnaaqqullugit spejderit tamarmik ajoratik Holstebromut apuunnissaasa tungaanngut. Københavnimi, Roskildemi aamma Fredericiami qimuttuitsoqarfinni DSB kiffartuussinermik sulialinnik immikkut inissiisimavoq spejderinik qimuttuitsunut ilaaffigisassaannut innersuussisartussanik.

Tulluussimaarutigaarput meeqqat inuusuttuaqqallu taamak amerlatigisut nuna akimorlugu angallassinnaagatsigit, Claus Kirchoff oqarpoq.

- Spejdererpassuit pissangaqisut inuunerminni misigisassartik annerpaat ilaat misigissallugit Holstebroliaapput. Tammaarsimaarnermi misigisassanut ilaavoq spejdereqatigiiulluni taamak amerlatigaluni angalaqatigiinneq tamanna amerlasoorsuarnik ataatsimooqatigiinnermik misigisimatitsilersarpoq, tammaarsimaarnermi pisortaq Miriam Madsen oqarpoq.

Tammaarsimaarnermi sapaatip akunneranik sivisussusilimmi sammisassat tusindiupput, taakkua ilaanni allaat spejderit 8000'kkuutaarlutik peqataaffigisassavaat.

- Sapaammi: Ammaanersiorluni aliikkusersuineq aamma nipilersorneq ilaatigut Anders Lund Madsen aamma Anders Breinholt (De Sorte Spejdere) oqaluttoralugit, Martin Brygmann tammaarsimaarnermi erinarsuut atussavaa aamma Odinteatret, Det Kongelige Teaters Balletskole, Kalles World Tour, tammaarsimaartullu nammineq erinarsoqatigiivi paarlakaajaallutik aliikkusersuisassapput. Naatsorsuutigineqarpoq inuit 50.000 missaanniissasut spejderit qaaqqusallu.

- Ataasinngorneq: Statsministeren, nunami borgmesterit affaat aamma kommunini qaffasissumik atorfillit kiisalu H.K.H. Prinsesse Benedikte tammaarsimaarfimmut tikeraassapput ataasinngorneq juulip 23'at.

- Marlunngorneq: Meeqqat 6 - 12'inik ukiullit 15.000 missaanni amerlatigisut fiistertinneqassapput kiisalu Danmarkimi imigassartaqanngitsumik inuusuttuaqqanut fiistertitsinerit annersaat ingerlanneqassaaq.

- Pingasunngorneq: Naalagiaqatigiinneq.

- Sisamanngorneq: Kvartersdag, tammaarsimaarfimmi immikkoortortat 80'it namminneq ulloqartitsissapput qulequtaq: "Nunarsuaq allanngortipparput" malillugu.

- Tallimanngorneq: Radioræs, tammaarsimaarneq pillugu aallakaatitsineq tammaarsimaartut namminneq radioannit ingerlanneqartoq.
- Adventure Scout Night – Spejderit 5.000't unnuaanerani misigisassarsiornerat.

- Arfininngorneq: Naggataarutaasumik takutitsineq spejderit inuulluaqqoqatigiinniarlutik katersuunnerannik naammassineqartussaq. Aliikkusersuinermi takutinneqassapput tammaarsimaarnermi misigisat nuannernerpaat. Naggataatigut nipilersortoqassaaq kikkuunersulli suli isertuunneqarpoq.
Paasissutissat allat uani takuneqarsinnaapput www.spejderneslejr.dk