13'inik ukiullip toqunerata kingorna akisussaaqataaneruneq ujartorpaat
Borgmester Simon Simonsen inersimasut tamaasa kaammattorpai akisussaaqataanerunermik takutitseqqullugit meqqat inuusuttuaqqallu naamaarniarunnaarniassammata
Qaqortumi 13'inik ukiullip sisamanngorninngoraa unnuakkut benzinamik naammaarnermi kingorna toquneranut atatillugu Kommune Kujallermi borgmesteri Simon Simonsen angallataatilinnut inuussutissarsiortunut ilami inersimasunut tamanut qinnutissaqarpoq.
Taassuma kaammattuutigaa kikkut tamat akissussaaqataanermik takutitseqqullugit aamma suut meeqqanit inuusuttuaqqanillu naamaarnermut atorneqarsinnaasut ingalassimateqqullugit.
- Tamakku pitsaanerusumik toqqorterneqartariaqaraluarput meeqqanit serlersaarfigineqarsinnaajunnaarlugit, Simon Simonsen KNR'ip Radioavisianut oqarpoq.
Isumaqarpunga inersimasut tamarmik akisussaaqataanermik takutitsisariaqartut. Uagut meeraagallaratta arlaanik susimagaangatta oqarfigineqartarpugut suut ulorianartuunersut. Aamma ullumikkut taamaattariaqaraluarpoq.
Taamaaliorluni sisamanngornermi politiit Qaqortumi innuttaasunut oqaaqqissaarutaat borgmesterimit nanginneqarpoq, tassa umiatsiaatillit, suliffeqarfiit aamma angajoqqaat meeqqat inuusuttuaqqallu naamaarniarnerannut akisussaaqataaneroqqullugit kaammattorneqarlutik.