Napparsimmavimmi kukkunerup kingorna 719-it hiv-imut misissortinnissamik neqeroorfigineqarput

Slagelse Sygehusimi errorsiviup immikkut ittup ajoquteqarnerata kingunera ajornerpaappat napparsimasut 719-it hiv-virusimik tunillatsissimasinnaapput tingululersimasinnaallutilluunniit, DR Sjælland nalunaaruteqarpoq.

Errorsiviup ajoquteqarnera pissutigalugu qinnguartaatit, naamik-inalukkanik pilatsinermi atorneqartartut errorneqartut, iluamik errorneqarsimanngillat.

Taamaasilluni marsip tungaanut qaammatini qulingiluani tunillaat napparsimasumiit napparsimasumut ingerlateqqinneqarsimasinnaavoq, errorsiviup tissaluttaataa aserorsimammat.

Ajoqut paasineqaannavissoq tissaluttaat taarserneqarpoq, Slagelse Sygehusimi kirurgisk afdelingimi nakorsaaneq immikkut akisussaasoq DR Sjællandimut oqarpoq.

Kikkut tamarmik tunillatsissimasinnaanermut misissorneqarnissamik neqeroorfigineqarput Nakorsaanerup erseqqissarpaa tunillatsissimasinnaaneq annikitsuararsuusoq.

Pisimasoq peqqinnissamik nakkutilliisunut nalunaarutigineqarpoq, taakkualu piumasaraat napparsimasut 719-it, qinnguartaatinik atuiffiusimasut, tamarmik allaffigineqassasut.

Sermitsiaq.AG-p tusarfigerusuttorujussuuvaatit napparsimasut 719-it hiv-virusimik tunillatsissimasinnaasut tingululersimasinnaasulluunniit ilagippatsit. Nettimi aaqqissuisoqarfik attaveqarfigineqarsinnaavoq uku atorlugit redaktion@sermitsiaq.AG aamma telefon 38 39 56