Akitsuutinit taama eqqorneqassaatit
Akileraartarnermi allannguutissatut siunnersuut ingerlatseqatigiiffinnik piginnittunik, umiarsuaatileqatigiiffinnik, illuutilinnik inunnillu biilinik angallatinillu piginnittunik eqquissaaq. Utaqqiisaasumik ineqartitaasut aamma eqqugaassapput
Aningaasarsianut akileraarutit 1 procentimik appartinneqarnerat ukiumut 72 millioner koruuninik akeqassaaq. Aningaasat taakkua iserteqqinneqassapput akitsuutinik arlalissuarnik qaffaanikkut akileraartarnermillu ilanngaatinik assigiinngitsunik appaanikkut. Inuinnaat inuussutissarsiutinillu ingerlatallit tamatumannga eqqorneqassapput.
Qalerallit akitsuusernerisigut naalakkersuisut aningaasanik amerlanerpaanik pissarsinissartik naatsorsuutigaat, tassa 25,5 millioner koruuninik. Akitsuuserneqartussat tassaapput qalerallit ukiumut 11.000 – qaleralimmut kiilumut 2,50 koruuniusussanik. Akitsuutit qalerallit uuliallu akiisa allanngorarnerat malillugu qaammatit pingasukkuutaarlugit iluarsiivigineqartassapput.
Allaaserisaq tamakkiisoq sapaatip akunnerani AG saqqummersumi atuaruk. Aviisi elektroniskiusoq uani pisiarisinnaavat: