DR nammineq OL-rekordini qanngerpaa
DR'ip aallakaatitsiviini tamaginni erniinnaq OL'imit aallakaatitsinerit imaaginnavissapput unammersuarnerit Londonimi aallartingajalermata
DR1, DR2 aamma DR HD, OL'ip ullut 16'ini ingerlaneranni ataatsimut katillutik nal. ak. 700 missaaat Londonimi innerup ikumanerata nalaani aallakaatitsissapput. Isiginnaartartut naatsorsuutigissavaat DR TV'ikkut OL malinnaaffigissallugu toqqaannartumik aallakaatitsisunik, nalunaarutitigut, nutaarsiassallu unammersuarnermi naammattuugassallutik.
OL sioqqullugu DR taamak nalunaaruteqarpoq.
OL tamatumuuna angisoorujussuussaaq aamma ukiut sisamat matuma siorna Beijingimi ingerlanneqarnerannit annerussaaq. Tamanna ilaatigut tunngaveqarpoq Danmarkimi Londonimilu nalunaaqquttap assigiinngissutaa nal. ak. ataasiinnaammat, taamaattumik susoqartillugu malinnaasinnaavugut. Kanalit arlallit atorlugit aallakaatitsissaagut pisinnaatitsissutaatigullu atorluassallugit tv'ikkut, nittartakkakkut, radiokkullu, aaqqissuisoqarfimmi pisortaq Tine Bendix DR Sportenimit tusagassiivinnut nalunaarpoq.
Suli ilisimaneqanngilaq nunarsuarmi timersornikkut aaqqissuussinerit annerpaartaat KNR'imit qanoq annertutigisumik aallakaatinneqassanersoq.
OL London'imi ingerlassaaq juulip 27'annit aggustip aqqaneq-aappat tikillugu.