Sekundimut imeq 3.500.000 liiteri
Kangerlussuarmi kuummi amitsumi imeq sekundimut 3,5 millioner liiterimik annertutigisoq kuuppoq. Siusinnerusukkut rekordimit marloriaatingajak
Immaqa tupinnarpallaanngilaq gummiged 20 tonsimik oqimaassisilik Kangerlussuarmi ikaartarfimmit pinngussatut kuugussaammat.
Tassami ulluni kingullerni kuup immaruttornerani imeq 3.500.000 liiteri sekundimut kuukkut kuuttarsimavoq.
Taamatut Sermitsiaq.AG-mut oqarpoq Kangerlussuarmi Qeqqata Kommuniani issittumi ingeniøri Friz Baumann.
Atuaruk "Eqqanarualuttuaq! Pitsanngoriarfissaqanngilaq"
Atuaruk "Assilisat: Ajunaarnersuup aallaavia"
Taanna malillugu siusinnerusukkut rekordiusarsimasuni sekundimut imeq 2 millioner liiteriusarsimasoq.
Kangerlussuarmi piffissamut sivisuumut aaqqiissutissanik kommuni maanna ujarlerpoq.
Atuaruk "Erngup suut tamaasa nassatarai"
Fritz Baumann malillugu isumaliutigineqartut ilagaat qaqqap qaartiternissaa kuuk itinerulersillugu, aammalu isumaliutigineqarluni kuuffissanik nutaanik marlunnik sananissaq siunissamilu ikaartarfiit pingajussaannik sananissaq, taamaasilluni erngup qaffasinnerani imeq ajornannginnerusumik kuussinnaalerniassammat.