Ikaartarfik arlalinnit pilerseqqikkumaneqarpoq
Suliffeqarfiit arlallit Kangerlussuarmi ikaartarfiup pilerseqqinnissaa soqutigaat
Qeqqata Kommuniani piffissami matumanerpiaq suut periarfissaasinnaasut tamaasa atorlugit nunaqarfimmi ikaartarfiup pilerseqqinneqarnissaa misissorpaa. Kommunip ikaartarfimmik pilersitseqqinnissamik suliarinnikkusuttut arlallit kaammattorneqaratik qinnuteqaataannik pissarsisimavoq.
- Iluarsaassineq aamma ikaartarfimmik pioreersumik qajannaallisaaneq imaluunniit ikaartarfik nutaaq Suliarinnittussarsiuussinermut inatsit naapertorlugu saqqummiunneqarumaarpoq, taassuma akissaa ima annertutigilissappat Suliarinnittussarsiuussinermi inatsit naapertorlugu sulisoqassaaq, Jens B. Frederiksen naalakkersuisut siulittaasuugallartoq oqarpoq.
Ikaartarfiup aserornera qanoq annertutiginersoq iluarsaateqqinnissaanullu suliassat maanna misissorneqaleruttorput.
Ikaartarfinnut tunngasut kommunit kisimiillutik akisussaaffigaat, naalakkersuisut innaallagissamik imermillu pilersuineq tamakkiissumik akisussaaffigigaat.