Partii: Akitsuuteqanngitsunik tuniniaaneq eqquteqqinneqarli
Naalakkersuisut naaggaarput, akitsuuteqanngitsunik tuniniaanerup unitsinneqarnerata kinguneqaatai uuttorneqarsinnaanngilluinnaraluartut
Aasaavoq, feriarfiuvoq angalaffiullunilu.
Angalasorpassuilli Atlantikoq qulaallugu ikaareeerlutik Kangerlussuarmi Narsarsuarmilu akitsuuteqanngitsunik pisiniarfiit pilerinartiinnartariaqarpaat.
Akitsuuteqanngitsunik tuniniaaneq naalakkersuisut 2011-mi januaarip aallaqqaataani atorunnarsippaat, nalunaarusialli nutaap takutippaa matusinerup sunniutai uuttorneqarsinnaanngilluinnartut.
Taarsiullugu Landskarsip akitsuutitigut isertitassat nutaat, ilaasut akitsuuteqanngitsunik pisiniarfinnut taarsiullugu pisiniarfinni nalinginnaasuni pisiniarnerminni saniatigut isertitsissutissaattut eqqarsaatigineqartut takusinnaanngilai.
Tamanna politikkikkut kinguneqarpoq.
- Inatsisartut ukiakkut ataatsimiinneranni akitsuuteqanngitsunik tuniniaanerup eqquteqqinneqarnissaa siunnersuutigissavara, Kattusseqatigiit Partiaanneersoq Knud Fleiscer Sermitsiamut oqarpoq.
Oqaluttuaq tamaat atuaruk Sermitsiami nutaani, aviisilu pisiarisinnaavat uani: