Kalaallit Nunaat Tivolimi

Ukioq manna aammaarluni Kalaallit Nunaat Tivolimi ingerlanneqassaaq nipilersortunik nuannannermillu imaqarluni - ilaatigut Nanook aamma Small Time Giants kiisalu Sussat appisimaartoralugit

Tivoli 2011'mi isiginnaariat tusarnaariallu taama nuannisartigipput Nanook nipilersormata. Qilanaarutissaqarput Nanook Grønland i Tivoli juulip 31'anni aamma aggustip aallaqaataanni ingerlanneqalerpat. Assi: Leiff Josefsen

Pisarneq naapertorlugu juulip 31'anni aamma aggustip aallaqqaataani Tivolimi Kalaallit Nunaat ulloqartinneqassaaq.

Taamak aaqqissuussisarneq Nunatta avataani kalaallit kulturiannik aaqqissuussinerit annersarisarpaat kalaallinik Nunatsinnillu soqutiginnittunik amerlanerpaanik katerisitsisartoq. Kalaallit Nunaanniluunniit taamak amerlatigisut Nunatsinnik soqutiginnillutik sumiiffimmi naapeqatigiinneq ajorput.

Ukioq manna ullorsiortitsinerni kalaallit kulturikkut tunniussinnaasaannik pisorpassuaqassaaq soorlu tusarnaartitsinerit, atisanik takutitsinerit, oqaluttuanik atuffassinerit, qajartornerit taamatullu tuniniaaviit pissanganartut imallit soorlu atisat nutaaliat, qalipakkat pinnersaatit umimmaat qiviuinik nuersagassiat allarpassuillu neqeroorutaassallutik.

Program
Plænemi tuniniaaviit:
Plænep eqqaani ussernartorsiorfiusinnaasut tamalaat!
Tuniniaaviit ulluni marlunni ammassapput 11.00-21.00.

Tuniniaavinni program'imik pigit unammisitsinermilu ilaallutit.

Tivoli Søen:
Tivoli Søen tamaani qaannamik kinngusaqattaartoqassaaq.

Pingasunngorneq aggustip aallaqqaataa
Nal. 13.00, 15.30 aamma 19.30 Qaannamik kinngusaqattaarnerit

Harmonipavillonen:
Tivolimeeqataasut mikinerit Vivi Sørensen oqaluttuartoralugu kalaallit oqaluttuaatitoqaat oqalualaavilu tipisiorneqarsinnaapput.

Marlunngorneq juulip 31'at
Nal. 16.30 Meeqqanut meerarpaluttunullu oqaluttuarneq

Pingasunngorneq aggustip aallaqqaataa
Nal. 14.30 Meeqqanut meerarpaluttunullu oqaluttuarneq


Pantomimeteatret:
Marlunngornermi aamma pingasunngornermi atisanik nutaalianik takutitsineq kalaallit ilusilersuisartut atisaliaannik Nickie Isaksen aamma Nauja Lynge Lyngesen.

Tamatuma saniatigut Pantomimeteaterimi Kalaallit Nunaanni angutini operamik ilinniarsimasut siullersaat tusarnaartitsissaaq.

Marlunngorneq juulip 31'at
Nal. 15.45 Josef Josefsen - Klassiskimik erinarsorneq
Nal.. 16.00 Modeshow
Nal. 18.30 Modeshow

Pingasunngorneq aggustip aallaqqaataa
Nal. 18.30 Josef Josefsen - Klassiskimik erinarsorneq
Nal. 19.00 Modeshow

Plænen:
Kalaallit aliikkusersuisartut tusaamasanngoriartortut tusaamaneqareersullu Plænimi tusarnaartitsinerat.

Marlunngorneq juulip 31'at
Nal. 15.00 Tikilluaqqusineq
Nal. 15.10 Small Time Giants – Rock/pop
Nal. 19.00 Tikilluaqqusineq
Nal.19.10 Inuit Feet - Pop
Nal. 20.00 Aviaja Lumholt – Rock/funk
kl. 21.00 Aviaja Lumholt - Rock/funk
Nal. 22.00 Nanook – Rock/pop

Pingasunngorneq aggustip aallaqqaataa
Nal.. 14.00 Tikilluaqqusineq
Nal. 14.10 Inuit Feet - Pop
Nal. 16.00 Nukaka Coster Waldau - Jazz
Nal. 20.00 Tikilluaqqusineq
Nal. 20.10 Aavaat – Kor/pop
Nal. 21.05 Small Time Giants – Rock/pop
Nal. 22.30 Sussat - Pop
Nal. 23.30 Erinarsoqatigiinneq ukioq manna qujanaq!

Powered by Labrador CMS