Greenpeace Shell'ip qullersaqarfia tiguarpaat

Hollandimi Greenpeace'p generalsekretæria, Sylvia Borren tallimanngornermi COE Peter Vosersip allaffiani issiaviani maavaartumi issiavoq ingerlatsivissuup suliai allarluinnarmut saatinnissaanut piareersimalluni.

Shell'ip anguniagassatut siunniuteqqavaa Issittumi uuliasiornermi ajugaanissani, tamaani uuliap pissarsiarinissaa ajornannginnerulernikuuvoq silap pissusaata allanngornera pillugu.

Taamaattumik Greenpeacep aasaq manna siusinnerusukkut umiarsuaatimik ilaa Alaskaliartippaa, una atuaruk.

- Issittumi uuliasiorniarluni ilungersorneq akisussaassuseqannginnerujussuarmik takutitsineruvoq taamaattumik aallartivitsinnagu ajunaarnersuaqartinnagulu unitsikkusukkaluarparput. Issittumi uuliakoortoqarsinnaanera peratarsinnaavoq uuliakoortoqarpat Shell'ip nammineq oqaatigeriigaatut saliinissaq ajornarluinnassaaq. Shell'ip avannamut ingerlaarnera ajunaarnersuup tungaanut ingerlaneruvoq uagullu suut tamaasa atorlugit kingusinaartinnata allanngortikkusupparput, Jon Burgwald Greenpeacemi issittoq pillugu akisussaasoq oqarpoq.

- Uuliasiorluni qillerinerit aserortererujussuartartut Issittumi pinissaat pisariaqanngilaq, nunarsuarmi uulia ullumikkut ilisimasatsinni suli anneq pisariaqartinneqanngilaq nunarsuarmi silaannaap kissatsikkiartornera gradit marluk ataanniitinniarutsigu, Jon oqarpoq.

Greenpeace ippassaani nalunaarpoq Shell eqqartuussisimmut unnerluutiginiarlugu, una takuuk

Greenpeacep juunip 21'anni Issittup tunisassiorfissuarnit illersorneqarnissaa anguniarlugu suliniut aallartippaat, Qalasersuup ullumi nunamut aalajangersimasumut attuumassuteqanngitsup eqqissitinneqarnissaa anguniagaavoq. Manna tikillugu inuit 600.000 suliniummik tapersersuipput.

Shell, Alaskami Tjukter imartaani aamma Beaufort imartaani uuliasiorluni qillerinerit tallimat ingerlanniarpai, uuliamillu ingerlatsivissuaq siulleq uuliasiorluni issittumi qillerilereerluni.

Shell'ip ukioq manna Baffin'imi qillerinissat aamma siunniuteqqavai. Takuuk Olieselskaber satser på kerneboringer i år