Nuuk innaallagiaaruttoq
Illoqarfiup ilaa innaallagiaqanngilaq atortunik ajutoortoqarnera pissutigalugu
Nuuk arfininngornermi ullaakkut - ullup qeqqata siorna - innaallagiaaruppoq kingorna innaallagissuit kipisaqattaarluni. Illoqarfiup ilarujussua innaallagiaqanngilaq.
Tamanna tunngaveqarpoq innaallagissap ingerlaqqiffissaanut stationi Telep eqqaaniittoq ajoquteqarmat. Taanna Qernertunnguanit Issortarfimmut ingerlavoq. Taamak Nuummi Nukissiorfinnit ingerlatsinermik pisortap Filip Sivertsenip nalunaarutigaa.
- Tamanna ajuusaarutigaarput. Innaallagissap qaminnerani siullermi ajoqutaalersut manna suliarineqarput, tamatuma saniatigut innaallagiamik pilersuigallartussat pilersippagut, Filip Sivertsen nassuiaavoq.
Ajoqutit marluk ataatsikkut pinngornerisa nassataanik suliassaq ilungersunarnerulersippaa. Nuussuup Qinngorpullu akornanni ikuallaaviup eqqaani aamma siammarterut ajoqquteqaleraluarami.