Cirkusrevyen Kalaallit Nunaannut
Cirkusrevyen, ukiuni arlalippassuarni danskit kulturimim aallussineranni pingaarutilik aappaagu Kalaallit Nunaanni pingasoriarluni takutitsissaaq
Cirkusrevyen aappaagu ukiakkut Nunatsinni pingasoriarluni takutitsissaaq, tamarmilli Nuummi ingerlanneqassapput.
Revydirektør Torben "Træsko" Pedersen qangarsuarli kissaatigisaqarpoq taannalu maanna piviusunngortussaasoq Ekstra Bladet'imut oqarpoq.
- Oqaluuserisarnikuuarput piffissap ilaanni cirkusrevyen Kalaallit Nunaanni takutikkusullutigu, tamanna aappaagu ukiakkut iluatsissaaq, tassa 2013'imi piviusunngussaaq. Isiginnaartitsisartut sulisullu allat tamarmik Dyrehavsbakkenimi Aalborgimilu isiginnaartitsinitik naammassigunikkit Kalaallit Nunaanniissaagut ulluni sisamani tallimaniluunniit, Torben Pedersen Ekstra Bladet'imut oqarpoq.
- Aaqqissuunnissaa manna tikillugu pisariusimavoq, Torben Pedersen oqaluttuarpoq. Isiginnaartitsinermi atortut allartinnissaannaat pisariussaqaat tamakkumi isiginnaartitsisartut, teknikkerit nipilersortartut allallu suleqataasut aallannginneranni sapaatit akunneri arlallit sioqqullugit nassiunneqartariaqarput. Inuit 50 missaanniissaagut timmisartoqatigiittussat, misigisassaq nuannerluinnartussaagunarpoq tamatta qilanaalereerpugut, Torben Pedersen oqarpoq.