Katuaq illoqarfimmi aliikkusersuisartut suleqatigilerpai

Katuaq pingaartutut isigaa illoqarfiup kulturikkut aliikkusersuisartui ajunngitsumik suleqatigissallugit, taammaammallu inuuniutigalugu kajumissutsikkullu aliikkusersuisartut aaqqissuinerannik kivitseqataasallunilu tapersersueqataassaaq, tamanna tusagassiivinnut allammi atuarneqarsinnaavoq.

Tamanna pillugu Katuaq Musikskolen, N.A.I.P, Orkesterskolen aamma Nordisk koncertkor suleqatigiinissamut isumaqatigiissutiliofigai, katuap inaanik atuinermi atatillugu.

- Orkesterskolen, Nuuk Byorkesterskolen ilanngullugu aamma Tambourkorpset Katuaq ammarneraniilli ajunngilluinnartumik illugiittumik suleqatigiittarnikuupput, maannakkullu ileqqussanngorlugu aaqqissuganngorluni. Orkesterskolen ingerlanera isumannaaneqassaaq soorlu nunanit allaniit inuuniutigalugu nipilersornermik ilinniartitsisunik ilinniartitsisoqartassalluni. Taammaattumik nuannaarutaavoq Orkesterskolep ilaasortai aammalu illoqarfiup eqqumiitsuliortartui periarfissaqarnerulissammata nunanit allaniit ilinniartitsisuniit iluanaaruteqarnerulernissaanut. Katuaq illorsuuvoq sullissillaqqilluinnartunik sulisulik nuannaarutigingaakkatsinnik, taama Arnannguaq Gerstrøm Orkesterskolen-imiit oqarpoq.

Ammattaaq Nordisk koncertkor Katuamut isumaqatigiissut naamagisimaarpaat.

- Nordisk koncertkor ukiut arlallit katuaq suleqatigisarpaa. Ukiullu taakku ilaquteqarluinnartumik akuliuffigeqatigisarsimavarput illorsuup atugarisaasa ingerlalluartup sulisullu pikkorilluinnartut koncertertinitsinni suleqatigalugit, soqutaanngilaq Hans lynge salimiikkaluarutta, lille Salimiikkaluarutta imaluunniit Foyer-mi pitsaasaqaaq. Taamaattumik pissusissamisoortutut isigaarput suleqatigiinissamik isumqatigiissutiliornerput, tamanna siunissami atugarisassatsinnik aalajangiisuuvoq aammalu aaqqissukkatsinnik qularnaveeqqusiilluni.”, Nordisk koncertkor siulittaasuat Kirsten Olsen oqarpoq.

Katuaq isumaqatigiissutiliami anguniagaraa unaavoq Nuuk illoqarfiata aliikkusersuisartui suliumatussuseqarluartut isumannaakkamik piffissaqaqqullugillu periarfissinniarlugit.

- Ukiup ataatsip ingerlanerani aaqqissukkat pilersaarutitsinni amerlaqaat, kulturikkummi illorsuaagatta tamatigoortoq assigiingitsunik sulialik immikkoortunik assigiingitsunik. Taamaattumik anguniagaraarput suleqatiginiakkatta kulturikkut periarfissamik piffissaqarluartumik tunissallugit, suleqatigiinikkullu tamarmik angusaqartikkumallugit. Katuaq aamma kuturikkut aliikkusersuisartut piumasaraat isiginnaartut ajunngittumik misigisaqartissallugit, isumaqatigiissummilu peqataasut tamarmik atugarisatut killigeqqusaq malillugu pilersaarusiornissaanut, Katuami pisortaq Julia Pars oqarpoq.

Hanne Saandvig, Musikskolemi ingerlatsisoq suleqatigiinermi isumaqatigiissut iluaqutilittut isigaa.

- Musikskole ukiorpassuit tusarnaartitsinermi allanilu aaqqissuinermi atatillugu Katuaq suleqatigisarnikuua. Ukiuni amerlasuuni Musikskolen aaqqissugaqartarsimavoq nunanit allaneersunik nipilersortartunik pulaartitsinermi, tamannalu pitsaassusaa anguniassagaanni nunanit allanit nipilersortartut nalunngisaat piginnaasaalu atorluartariaqarput sullissinnaasat amerlisinniarlugit. Taammaattumik naleqquppoq Katuaq suleqatigissallugu ileqqussatut isigigaanni, tamannalu atatillugu katuaq musikskolep nunanit allani pulaartui tusarnaartitsinissamut isumaqatigiissuteqarsinnaalissapput. Suleqatigiiniarnerlu ikiuuseralugu klassiskimik tusarnaartitsinissamik aaqqissuisoqarpoq Katuap Musikskolellu suleqatigiineranut inernilerlugu, siger Hanne Saandvig.

N.A.I.P. aammattaq isumaqatigiissut naammagisimaarpaa, Ane Berthelsen, N.A.I.P siulittaasua ima oqaaseqarpoq:

- N.A.I.P peqatigiiffiuvoq nammineq kajumissusiminnik aliikkusersuisartulik aammalu suliumatulluinnartunik ilaasortalik, Meeqqanik, inuusuttunik inersumasunillu inulik. Ukiumut aaqqissukkatsinnik Katuaq amerlasooriaq atortarsimavarput, aliikkusersuinissatsinnillu periarfissiisut nanginnera uatsinnut isiginnaartutsinnullu qilanaartuummik tunisivoq.