- Amiilaajummernakujuppoq
Kangerlussuarmi kuup qaffassimanera kuunneratalu sakkortoorujussuunera aarlerinartorsiortitsivoq, kommunimeersoq oqarpoq
Kangerlussuarmi ikaartarfik aarlerinartorsiortitaavoq. Taama Qeqqata Kommunianeersoq Fritz Baumann sumiiffimmi najuuttoq oqarpoq.
Ikaartarfiup sioqqanik ujaqqanillu sapinngisamik pitsaanerpaamik isumannaarniarnissaa qamussuarnit sisamanit unnuap ingerlanerani suliarineqarsimavoq, oqaluttuarpoq.
Tassami Watson River imaluunniit Akuliarusersuup Kuua qarsutsinngujoorpoq ikaartarfillu kuugussaatinngujoorlugu.
- Ikaartarfik kuummit aporarneqarpoq sapusiarlu neriorneqarluni.
Læs "Rekordvandstand i Kangerlussuaq"
- Unnuap annersaani sulivugut, taamalu sakkortutigisumik kuuttoqarnera amiilaajummernalaartuummat nassuerutigissavara. Malissuaqarpoq kuullu unnuap ingerlanerani appartaraluartoq unnuaq taama pisoqanngilaq, oqarpoq.
Fritz Baumannili oqarpoq, suli ilungersunaraluartoq pissutsit patajaannerulersimasut. Ikaartarfimmi aserorpat aatsaat ukiaru suliareqqinneqarsinnaassaaq.
Fritz Baumann ilanngullugu oqarpoq erngup aqqutaa Kangerlussuup affaanut imermik pilersuutaasoq nalinginnaasumillu kuuk 3 meteterinik qulaallugu ikaartisimatinneqaraluartoq maanna malissuit ataanniilersimasoq.
Ikaartarfik maannamuugallartoq matuneqarpoq.