Qaannamik unammersuartussat ikilisut

Kalaallit Nunaanni qaannamik pissartanngorniunnerni peqataasussat ikileqaat

Qaannamik pissartanngorniunnermi peqataasartut nalinginnarmik GM'ertoqarneranit affaannarmik amerlassuseqassapput. Assi: Leiff Josefsen

Nunatsinni qaannamik Paamiuni ukioq manna pissartanngorniuuttut 65-siinnaapput, pisarnermit 50-nik ikinnerullutik. Peqatigiiffiit pingasut unissimapput.

Taamak knr.gl allappoq.

Ikilinerannut marluk pissutaapput. Pissutaasoq siulleq tassaalluni peqatigiiffiit ilaasortaqarluartartut pingasut maannakkut unissimanerat. Illoqarfinni peqatigiiffiit unissimasut tassallutik: Aasianni, Maniitsumi Nanortalimmilu.

- Ukioq aallartissimalaaginnartoq nalunaartoqarsimasuuppat ukioq manna peqataasut amerlanerussagaluarput, Abel Jakobsen, pissartanngorniuunnermi akiussaasuusoq oqarpoq.

Qaannammik nunatsinni pissartanngorniuunnerit sap. ak. siuliani aallartipput, aqagu juulip 11-ani naammassissallutik.

Qaannamik pissartanngorniuussutit arfineq pingasuupput: Naatsumut parrunneq, takisuumut parrunneq, maqittarlugu parrunneq, iligiikkuuttaarluni parrunneq, iligiikkuutaarluni kinngusaqattaarneq, ataasiakkaarluni kinngusaqattaarneq, saaqqusersorneq allunaariaqattaarnerlu.

Powered by Labrador CMS