Qalorsuarnik pisaritittoq aqqunarpianngilaq
Angut kilisaammi ajoqusersimanermi kingorna ippassarlu unnukkut Nuummut oqqunneqartoq, aqqunartiterpiarsimanngilaq
Annonse
Angut canadamiu, ippassaq unnukkut qalorsuarnik pisaritittoq, imatorsuaq aqqunartitersimanngilaq annikitsuinnarnilu ajoqusersimalluni.
Taamatut Sermitsiaq.AG-mut paasissutissiivoq Nuummi Dronning Ingridip Napparsimmavissuani nakosaaneq Finn Eldon.
- Pissutsit eqqarsaatigalugit ajunngilaq, saamimmigut najungasuminik marlussunnik naffassersimalluni. Qalorsuarnik aalatinneqangaatsiarsimavoq, innarlernanili, Finn Eldon oqarpoq.
Aalisartoq canadamiu ippassaq unnukkut Nuummit 160 sømilinik avasitsigisumik Nuummut oqqunneqarpoq.
Finn Eldon malillugu ajoqusertoq Canadamut angerlarsinnaavoq ullut marlussuit ingerlaneranni.