Qaartartorsuaq sumut piva?
Pissanganartuliami nutaami qaartartorsuit sisamaat nassaarineqanngisaannartoq aallaavigineqarpoq
Peqatigiinniapiluttoqarsimaneranik atuakkiami nutaami ”Sort sne falder” - aput qernertoq nakkaavoq - Michael Katz Krefeldimit atuakkiarineqartumi qaartartorsuaq Amerikamiut timmisartorsuata qaartartorsuutip 1968-imi nakkarnerata kingorna nassaarineqanngisaannartoq aallaavigineqarpoq.
Naqiterisitsisarfik Lindhardt og Ringhof naapertorlugu pissanganartuliami pisimasuik aallaavigineqarpoq, ingerlariaqqillunili qaartartorsuaq inuttassarinngisaminit tiguneqarsimanersoq apeqqutigalugu.
Atuakkami pisut marluk sanileriissillugit malittarineqarput, taakkualu aappaanni Kalaallit Nunaanni piniartut 1968-imi timmisartup nakkarneranik takunnittuusut angutinullu tammaaneqartumik ujaasisunut ikiuuttut malittarineqarput.
Pisut aappaat Københavnimi pivoq ilaatigullu Folketingimut ilaasortamut kapineqartumut tunngasuulluni.
Atuagaq septembarip 18-iani saqqummissaaq.