Muffinsit ulorianartut Kamimmi
Mini Marmor muffins, annertuallaamik propylenglycol akullit Nuummi Kamik'ni nioqqutit Danmarkimi Fødevarestyrelsenimit utertinneqartut
Namminersorlutik oqartussani Inuussutissanut immikkoortortaqarfiani uumasut nakorsaanerat Douglas S. Henningsen mianersoqqusivoq, Kalaallit Nunaanni pisiniarfiit ilaanni Mini Marmor muffins propylenglycol'imik annertuallaamik akullit tuniniarneqarsimanerinik.
Tamakku ilaatigut Nuummi pisinniarfinni Kamik tunineqarsimapput. Pisortaaneq Erik Brogaard, Nuuk Købmandshandel'imeersoq, Kaminnik piginnittoq ilisimatitsivoq kaagit tamakku pisinniarfimmit peerneqareersut.
Kaaginik nerinermi ingerlaannartumik akornuserneqarnermik ilaqartussaanngikkaluartoq taamaattoq propylenglycol'it piffissap sivisuup ingerlanerani tingunnik tartunillu aseruisinnaapput, uumasut nakorsaanerat ilisimatitsivoq.
Uumasut nakorsaat naapertorlugu kaagit pisinniarfinnit peerneqareerput. Pisinniarfiit igitamik nalinginik utertiffigineqarnissaat isumagineqassaaq.
Atuisartunut siunnersuutigineqarpoq kaagit poortuutigisimasaat iginneqartariaqartut imaluunniit pisinniarfimmi pisiffigisamut utertinneqassasut. Pisinniarfiup pisinermi aki utertissinnaavaa.
Mianersoqqussutip tunuliaqutaraa uumasut nakorsaqarfiup Fødevarestyrelsen-imit nalunaarut tigummagu, kaagit muffins-it utertittariaqarnerinik propylenglycol-inik akoqarpallaarneri peqqutigalugit innersuissummik.
Ilisimatitsissutigineqarpoq muffinsit tamakku Givemi Grønland af Handelsselskabet H.J. A/S aqqutigalugu ingerlaqqittartut.
Kalaallit Nunaanni nioqqutissanik tamakkunannga pissarsisartuupput Nuuk Købmandshandel.
H.J. A/S naapertorlugu nioqqutissat Kamik pisinniarfinni pingasuni agguaanneqartarput:
42'it Kamik Deres Tankbutik, Dr.Ingridsvej 3-5, 3900 Nuuk
42'itl Kamik Minimarked, Narsaviaq 26, 3905 Nuussuaq
28'it Kamik Nukøb, H.J. Ringsvej 39, 3900 Nuuk
Handelsselskabet H.J. A/S'ip Nuuk Købmandshandel attaveqarfigereerpaa nioqqutissat pillugit ilisimatitsissummik.
Nioqqutissat erseqqinnerusumik ilisimatitsissutaat imaappoq
Mini Marmor Muffins
Poortugaq 12'inik imalik.
Ean nr.: 8410722531805
Nettovægt: 280gr
Holdbarhedsdato: 10.09.2012 Lot nr.: GM 010
Produceret af: Delasheras S.A 09400 Aranda de duero ( Burgos ), Spanien
Nordthy Biscuits, nioqqutissamik utertitseqqusisuuvoq, taakkua tuniniarneqarput Løvbjerg Struer, Handelsselskabet Give aamma Arctic import, Nørresundby.
Soorlu taaneqareersutut propylglycol'imik atorneqarsinnaasumit annermik atuisoqarsimanera utertitsinermut tunngaviuvoq, uumasut nakorsaanerat Douglas S. Henningsen ilisimatitsivoq.