Haship inerteqqutaajunnaarnissaa oqallissaarutigigaat
Cannabisip inerteqqutaajunnaarsinneqarnissaanik misileraasoqassasoq Enhedslisten kissaateqarpoq
Inatsisinik atortitsinermut ministeri Morten Bødskov cannabisip inerteqqutaajunnaarsinneqarsinnaanera pillugu Folketingimi inatsiseqarnermut ataatsimiititaliamik isumasioqatigiumaneqarpoq. Isumasioqatigiinneq tamanut ammasuussaaq pissallunilu sisamanngornemri aggustip 16-iani Christiansborgimi.
Ikiaroornartup haship inerteqqutaajunnaarsinneqarnissaanik misileraaneq aaqqissuussaasumik pinerlunniartarnermut ilaatigut Christianiami isertat tunngaviisa peerneqarnissaannut sakkussaasinnaanersoq pillugu inatsisinik atortitsinermut ministeri ataatsimiititaliamit qinnuigineqarpoq nassuiaateqaqqullugu.
Isumasioqatigiinnissami apeqqut saqqummiunneqarpoq ataatsimiititaliamut ilaasortap Pernille Skipperip (EL) kissaateqarneratigut.
Isumasioqatigiinneq ft.dk-mi toqqaannartumik aallakaatinneqassaaq tamatumalu saniatigut Folketingip tv-kanaliatigut takutinneqassalluni.
Illit qanoq isumaqarpit? Ikiaroornartoq hash inerteqqutaajunnaarsinneqassava?