Ullorissap anaata nakkarfia aningaasarpassuarnik naleqarsinnaavoq
Canadamiut aatsitassarsioqatigiiffiat Maniitsup eqqaani ullorissap anaata nakkarfiata ilaani misissueqqissaarnissamut akuersissutaatilik ullorissap anaata nakkarfiata paasineqarneranik qiimmattaatiginnippoq
Maniitsup eqqaani ullorissap anaata nakkarferujussuata sinnikuinik paasisaqarneq Canadamiut aatsitassarsioqatigiiffiannut North American Nickel Inc.-imut sumiiffiup ilaani aatsitassaqarneranik misissueqqissaarinissamut akuersissutaatilimmut nutaarsiassaavoq nuannersoq.
Tamanna ullorissap anaata nakkarneratigut tamaani nikkelip pissarsiarinissaata ajornannginnerulersimasinnaaneranik pissuteqarpoq.
Canadami Ontariomi nikkeqarfimmik taasami nikkeleqarfiit ullorissap anaata nakkarneranit aamma sunniivigineqarsimasaanni aatsitassaq ullorissap anaata nakkarneratigut aatsinneqarsimavoq, ataatsimoornerulersinneqarluni nunallu qaavata tungaanut ajanneqarsimalluni.
Læs "Videnskabelig sensation ved Maniitsoq"
Tamatuma kinguneranik nikkeli annertoorsuanngorluni tikikkuminarnerulersimavoq, Maniitsullu eqqaani aamma taamaattoqarsinnaavoq.
- Nuannaartorujussuuvugut, North American Nickelimi ujarassiuut pisortaat, John Pattisoq, Postmedia Newsimut oqarpoq.
Aatsitassarsioqatigiiffimmit taamani ullorissap anaanik nakkartoqarsimasinnaanera eqqoriaanerinnaagallarmat tamanna ilumoorsimassappat »iluaqutissarujussuartut« siusinnerusukkut oqaatigineqarpoq. Tamannalu ilumoorsimasoq paasinarsivoq.