Sikunik alapernaarsuisut piujuartitsinerulerput
Apriilip aallaqqaataanit Backbone Aviationip timmisartorneq isumagilerpaa ikummatissamillu sipaarluni
Ullumikkut Backbone Aviation Narsarsuarmi sikunik alapernaarsuisuuvoq qulimiguulik Eurostar 120 (EC120) atorlugu Sikunik alapernaarsuisut sullillugit.
Timmisartorneq pilerpoq ukiakkut 2011-mi EU-mi neqeroortitsivoq februaarimilu 2012-mi Backbone Aviation neqeroortitsinermi ajugaalluni. Suliffeqarfik marsimi 2012-mi Narsarsuarmi pilersinneqarpoq apriilillu aallaqqaataani 2012-mi Sikunik alapernaarsuisut sullisilerlugit.
Siusinnerusukkut Air Greenlandip tamanna 1976-miilli isumagaa.
Backbone Aviationimik toqqaaneq qulimiguullillu mikinerit nutaat akikinnerillu atorneranni Sikunik alapernaarsuisut piujuartitsinerulerput. Qulimiguulik nutaaq qaammatini siullerni marlunni timmisartup ikummatissaanik 5.000 literit missaaniittumik sipaarsimavoq siusinnerusukkut sivisoqataanik timmisartornermi, tassalu akunnerni 100-t missaanniittuni sikunik alapersaarsuinermi.
Taama oqaluttuarpoq Søren Thor Jørgensen Narsarsuarmi Backbone Aviationimi timmisartortartut naalagaat
Allaaserisaq tamaat uani sapaatip akunnerani Sermitsiami atuaruk, taannalu aamma uani atuarsinnaavat