IA uranimik isumaqatigiinngittoqarneranik sanngiillivoq
Sermitsiaq.AG-mi atuisut amerlanerussuteqarluartut isumaqarput nunatsinni partiit anbnersaat sanngiillisimasoq partiimi uranimut akuersaannginermik politikkip aaqqiagiinngissutiginera peqqutigalugu
Sermitsiaq.AG-mi atuisut pingajorarterutai marlungajaat isumaqarput uranimut akuersaannginnermik politikkip aaqqiagiinngissutigineqarneratigut nunatsinni partiit annersaat sanngiillisimasoq.
Tamanna nittartakkami taasisitsinerup takutippaa.
Taasisunit 436-iusunit 62 procenti isumaqarpoq IA sanngiillisimasoq.
Pingajorarterutingajaat tassalu 31 procentit isumaqarput IA sanngiillisimanngitsoq.
Sapaatit akunnerini kingullerni uranitalinnik aatsitassanik piiaanermut atatillugu partiip uranimut naagaarnera nalornissutaalersimavoq. Ilaatigut assigiinngitsunik oqariartuuteqartoqarpoq naalakkersuisunut ilaasortamit Ove Karl Berthelsenimit, naalakkersuinikkut oqaaseqartartoq Aqqaluaq B. Egede Folketingimullu ilaasortaq Sara Olsvig.
Qanittukkut tallimanngornermi nalunaaqutaq 14 naalakkersuisut siulittaasuat Ove Karl Berthelsenilu aatsitassat aamma uran pillugit tusagassiuutinik katersortitsissapput.
Sermitsiaq.AG katersuunnermi peqataassaaq ullullu ingerlanerani pisut uani nutartertarlugit.