Mittarfiup inissiivissaa kamaatigaat

Kujataamiut Qaoqrtumi nunap immikkoortuani mittarfiliornissaq naaggaartariaqarpaat, naalakkersuisut allami inissinngippassuk, angallannermut ataatsimiititaliamit oqartoqarpoq

- Kujataamiuusugut sianiinnaarneqarnissarput paarisariaqarparput siunissamilu qaqugorsuarmi nunap immikkoortuani mittqarfik taamaallaat 1.199 meteriusoq alliffissamut periarfissaqanngitsoq naammagiinnartariaqarlugu, Kommune Kujallermi angallannermut ataatsimiititaliami siulittaasoq Kalistat Lund oqarpoq naalakkersuisut nunap immikkoortuani missartissaq Qaqortumiittup inissivissatut siunnersuutaat tunngavigalugu.

Nangippoq:

- Sumiiffissatut siunnersuutip sanaartornera akikikkaluarpoq, ajorluinnarporli, mittafiummi allisinnaanissaanut isumannaatsuunissamut periarfissaqarnissamik piumasaqaatit naammassiniarnissaannuit periarfissaqarnersoq nalorniaqaaq. Taamaattumik qaqugorsuarmut mittarfik 1.199 meteriusoq tallineqarsinnaanngitsoq taamaallaallu nunatta iluani timmisartornermut atorneqarsinnaasut pigilissavarput.

Tikkuarpaa Kommune Kujallermi kommunalbestyrelseimiit Qaqortumi nunap immikkoortuani mittarfik tallineqarsinnaasut kisimi akuersaarneqartoq.

Angallannermut ataatsimiititaliaq naapertorlugu maannakkut imarpik qulaallugu timmisartuussineq attaveqartariaqartoq Qaqortumilu heliporti nuullugu allilluguluunniit.

Powered by Labrador CMS