Arnat marluk immiaaraq kamaassutigaat

Arnat aappariit immiaaraq assortuussutigaat. Aappaa persuttaasimasutut unnerluunneqarpoq

Danskit politiivisa arnat marluk avissaartittariaqarsimavaat taakkua immiaaraq pillugu assortuullutik sakkortusaaleraluarmata. Assi: Leiff Josefsen

Arnat kalaallit marluk arfininngornermi Christianiap silataani assortuutilermata sakkortoqaat.

ekstrabladet.dk allappoq.

- Arnat marluk 44'nik aamma 45'nik ukiullit aappariittut inooqatigiittut immiaaqqap kiap pigineraa assortuutigilerpaat. Oqaatsit tulleriaatiinnarput naggataatigullu 44'nik ukiullip aapparmi kiinarpiaatigut toqqaannartumik seeqqummippaa, Københavns politiini kisissuinerni pisortaq John Dyhrberg, ekstrabladet.dk'mut oqarpoq.

Arnaq 45'nik ukiulik qinngamigut aanaarpoq aapparisaa 44'nik ukiulik persuttaasutut tigusarineqarpoq.

Powered by Labrador CMS