Milliardinik pissarsisilinngilagut

- Maannakkut eqqortoq oqaluttuarissavara, ualimut Kuupik Kleist tassanngaannartumik tusagassiutinut qaaqqusinermi taamak oqarpoq.

Kuupik Kleist milliardilikkaanik tusatsiakkat suujunnaarsippai. Assi: Leiff Josefsen

Kalaallit Nunaat kuultiutilissuanngoriartunngilaq.

Piffissami kingullermi - danskit tusagassiiviini - milliardilikkaanik aningaasaliisimanernik oqaluttuat tupaallannartut imaaginnavipput, koreakujallermermiut kiniserillu suliffeqarfiutaasa Kalaallit Nunaanni aatsitassarsiorniarlutik atugassarisaannik.

Naalakkersuisut siulittaasuat manna eqqissisimanissamik Kuupik Kleistnaalakkiivoq.

Juullimut TUNISSUTISIASSAQANNGILAQ.

- Pineqarput eqqoriaanerparujussuit, tusatsiakkat oqaluttuallu uppernanngitsut. Oqaluttuat nammineq pilersitaapput. Toqqaannartumik oqaatigerusunngikkaluarpakka sallorusuttartup oqaluttualiaattut. Taamaattumik pingaartippara tusatsiakkat pillugit suna eqqortuunersoq sunalu eqqunngitsuunersoq, Kuupik Kleist tusagassiivinnik aggersaanermi oqarpoq.

Danskit tusagassiiviini saqqummiunneqaraluarpoq koreakujallermiut naalakkersuisui aamma aningaasaliisartut namminersortut Kuannersuarni 15 milliardinik aningaasaliinissaminnut piareersimasut.

- Ilumuunngilaq. Ilumoortoq tassaavoq oqaaseqatigiinnik ATAASINNGUAMILLUUNNIIT aningaasat taamak amerlatigisut pissarsiarilissallugit tusagaqarnikuunnginnatta. Kisianni tassa ingerlatsiviit pineqartut uagutsinnut saaffiginnipput oqaluttuat uppernassuseqannginnerat naqissuserniarlugu. Soorunami oqaatigisariaqarpoq arlaatigut eqqarsaatersortoqartoq taamaattorli aalajangiutivinneqarsimanngitsunik, Kuupik Kleist oqarpoq.

Tusagassiivinnik aggersaanermi uranimik akuersaanngilluinnaq soorunami eqqaaneqarpoq, tamannami pillugu Danmarkimi ilaatigut aviisini saqqaliunneqartarpoq: Kalaallit Nunaat uranimik tunisassiortorsuanngussava.

Kuupik Kleist aperineqarpoq uranimik akuersaanngilluinnarneq allanngortinneqassanersoq?

- Akissutissara tassaavoq, tamanna ullulersinnaannginnakku. Imaluunniit taamaasisoqassanersoq oqaatigisinnaannginnakku. Taamaallat oqaatigisinnaavara ingerlatsivinnit aatsitassamik radiop qinngorneranik piiaarusuttunit qinnuteqaammik tigusaqarsimannginnatta.

Powered by Labrador CMS