Kissaat: Kalaallit triatlonnertartut

Island Gamesini kalaallimik triatletertartumik peqataasoqarsimanngisaannarpoq - maannali tamanna allanngortinniarneqarpoq

Malik Lynge Reiding, USA Arizona, triathlon peqataaffigaa. Kalallit Nunaanni Timersortartut Kattuffiat Malittulli piginnaasusilinnik qinaasivoq. Assi: Malik Lynge Reiding

Triathlon, Island Gamesini 2001 kingorna pingasoriarluni ingerlanneqartarpoq. Taamaattoq kalaallimik triatletertartumik peqataasoqarsimanngisaannarpoq.

Kalaallit Nunaanni Timersortartut Kattuffiata tamanna allanngortikkusuppaa, taamaammat arfininngornermi Kalaallit Nunaanni Thriathlonertartut Klub-iat aamma Elite Sport Greenland Nuummi ilungersuussaanngitsumik triathlonimik aaqqissuussissaaq.

1500 meterit nalussinnaaguit, 40 kilometerinik sikkilerlutit 10 kilometerimillu arpassinnaallutit piffissami naammaginartumi, imaassinnaavoq illit Kalaallit Nunaat sinnerlugu Island Games i 2013 peqataaffigigit.

Kalaallit Nunaanni Timersortartut Kattuffianit neriuutigineqarpoq Kalaallit Nunaata Island Gamesini tullermi kalaallit triatlonertartut marluk peqataatitarisinnaagai.

Triathlon juunip 30'anni nal. 9.00 naluttarfik Maliup eqqaanit aallartissaaq. Peqataanissaq kingusinnerpaamik nal. 08.30 nalunaarutigineqassaaq.

Powered by Labrador CMS