Nuuk Centerimi tillinniarneq
Nuuk Center suliluunniit ammanngitsoq niuertarfeqarfissaq tillinniarfigineqareerpoq
Nuuk Centerimi aatsaat qaammat ataaseq qaangiuppat ammartussami nukappissat marluk 16-inik ukiullit ullaaq ullaaralaakkut tillinniarput.
Nukappissat marluk fladskærminik malrunnik ilaatigut tillipput.
- Naak niuertarfeqarfissaq qimmilinnik nakkutilliisoqaraluartoq isersinnaasimapput, Nuuk Politiiniit Niels Nyvang Sermitsiaq.AG-mut oqarpoq.
Tillinniarnerup ullaassaq tallimat missaani pisup kinguninngu nukappissat aappaat taxartartumik tigusarineqarpoq. Maannakkullu politiinit killisiorneqareerpoq.
Nukappissat aappaat politiinit ilisimaneqarpoq, Niels Nyvang oqarpoq, taannalu ullumi kingusinnerusukkut politeeqarfimmukaanneqassasoq oqaatigalugu.
Fladskærmit Pisiffimmit tillinneqarput, utertinneqareerpulli.
Atuaruk ”Nuuk Center åbner til juli” nunatsinnilu illuutini annarpaamit assit takullugit