Umimmaap neqaa saattunngorlugu agguaq raajarpassuillu
Seqineq appariartoqqilerpoq. Arnaqquassaarneq Nuummi sissami nereqatigiinnermik nuannisaqatigiinnermillu nalliussineqarpoq
Annonse
"Aasarisseruttornerup erinarsuutaa" eqqaamaneqarpianngilaq, aammalu ikumatitsinermi oqalugiartoqarani, arnaqquassaallu nunamiiginnarput. Akerlianilli aliikkutassaaleqinanngilaq arnaqquassaarnermi ikumatitaq ikinneqartussanngormat. Benzina 10 liiterip missarpiaaniittoq kukoqqaatigalugu ikiumatitarujussuaq ikinneqarpoq.
Pisarnertut Nuummi Saqqarlerni najugallit, meeqqat inersimasutullu qanorluunniit ukiullit, nuannisaqatigiipput nereqatigiillutillu. Sunik tamanik sassaallertoqarpoq: Umimmaap neqaa saattunngorlugu agguaq, raajarpassuit, illarneq snobrødillu.
Ullumi arnaqquassaarneq nalliussineqarpoq - ukiullu affarpiaa qaangiuppat juulliarassaaq, taamaasippallu seqernup qullariartoqqilernera nalliussissavarput.