Tammaarsimaartarfik aserorteriffigineqarpoq
Nuussuup atuarfiata Eqaluit Paarliierni tammaasiaartafia annertuumik aserorteriffigineqarsimavoq
- Kanngunartuliaavoq nikallornarlunilu kamannartoq.
Taam oqarpoq Kim Gotfredsen arfininngormat ualikkut Eqaluit Paarlerni angalaartilluni Nuussuullu atuarfiata tammaarsimaartarfiata eqqaanut tulalluni.
Takusaq nikallornaqaaq:
- Ulloq taanna nuannersumik angalaareerluni tammaarsimaarfimmi takusanit annilaarnertunit qallerneqarpoq. Igalaat 20-25-iniit ikinngunngitsut aserorterneqarsimapput. Taama annertutigisoq inummit ataasiinnarmit suliarineqarsimanavianngilaq, inuillu arlaqarsimassapput. Inuiaqatigiinni ajornartorsiut taamaattoq nikallornarlunilu kamannaqaaq, illorfimmimi taamaallaat pineq ajorpoq allalali kangerlummi inuilaarsuarmilu, Kim Gotfredsen Sermitsiaq.AG-mut oqarpoq.
Kommuneqafik Sermersuumiit oqaaseqartitsisinnaasimanngilagut, ukiummi tamaasa meeqqat 150-t missaat Eqaluit Paarlerni tammaarsimaarsinneqartarput.