Sisimiuni ilinniarnertunngortoq siulleq
HTX'imi Sisimiuni Sanaartornermik Ilinniarfimmi inissisimasumi soraarummeernerit kingulliit tallimanngornermi ingerlanneqarput. Pingasunngormat ukioq manna ilinniarnertuunngortoq siulleq naammassivoq
Ukiuni pingasuni HTX'imik ingerlatsereerluni Ajaaja Lynge-Larsen 2012'imi Sisimiuni ilinniarnertuunngortut siullersaraat. Misilitsinnerit kingullerpaartaat kalaallit oqaasiinik ingerlanneqarpoq. Pisarneq naapertorlugu Sanaartornermik Ilinniarfik erfalasulerpoq. Tamanna pingasunngormat pivoq.
- Taallit qaqippakka Bmillu karakterilerneqarlunga. Nuannerpoq aamma kisianni eqqumiilaarpoq. Anillakkama inuit amerlangaarmata ittuulaaleraluarpunga. Eqqissiallannarpoq, Ajaaja Lynge-Larsen oqarpoq.
Kalaallisoornermi soraarummeernerit kingulliit tallimanngorneq juunip 22'at ingerlanneqarput tamatuma kingorna ilinniarnertuunngorniat Sisimiuni busseqattaarput.
Marlunngorneq juunip 26'at pisortatigoortumik allagartartaartitsisoqassaaq nal. 10.00 Sanaartornermik Ilinniarfimmi 3. salimi.