Kalaallinik 80-nik ukiulinnik pissarsiorpoq

Kalaallit oqaluttuassartaat atuakkami nutaami ilaasariaqarpoq, atuakkiortoq isumaqarpoq, inunnillu oqaluttuarusuttunik pissarsiorluni

Qallunaap atuakkiiortoq kalaallinik utoqqasaanik oqaluttuarusuttunik pissarsiorpoq. Arkivfoto: Leiff Josefsen

Qallunaaq atuakkiortoq Ulla Dahlerup kalaallinik 80-inik ukiulinnik nammineq ilaquttamillu oqaluttuassartaanik oqaluttuarsinnaasunik pissarsiorpoq.

Ulla Dahlerup ukiuni kingullerni innuttaasut Danmarkimik oqaluttuassartaanik oqaluttuartinnerannik suliaqarsimavoq. Maannamulli kalaallit nammineq oqaluttuassartaminnik oqaluttuartinneqarsimanngillat.

- Tamanna kukkuneruvoq annertooq atuakkiami kingullermi aaqqinneqartariaqartoq, Sermitsiaq.AG-mut oqarpoq.

Taamaattumik kalaallinik 80-it missaannik ukioqartunik pissarsiorput imaluunniit qallunaanik Kalaallit Nunaanni najugaqartunik niuertorutsitut politiitulluunniit sulisimasunik ataataqartuni.

Ulla Dahlerupip Danmarkimi innuttaasut oqaluttuassartaanik atuakkiai maannammut Gyldendalimi saqqummersinneqartut pingasuupput. Kingullermi kalaallit oqaluttuassartaannik aamma oqaluttuartoqassaaq.

Ulla Dahlerup attavigineqarsinnaavoq uani ulla@dahlerup.com imaluunniit oqarasuaatikkut + 45 39643538 og +45 26794926, soqutiginnittumik ilisimasaqaruit.

Powered by Labrador CMS