Nive nunarsuarmi tamarmi saqqummissaaq

Nive Nielsenip nuusiaa sapaatit akunneri kingullerni Tysklandimi Frankrigimilu saqqummerpoq, saqqummerfissaraalu Island, Tuluit Nunaat, Spania, USA Australialu

Nive Nielsen har fundet sin plade på en cd-række i udlandet. Foto: Privatfoto

Nive Nielsen & The Deer Childrenip nunarsuami tamarmi tusaamaneqalernissaa qanilliartorpoq.

Sapaatit akunnerini kingullermi "Nive Sings!" Europami tuniniaavinni annerpaani tassalu Tysklandimi Frankrigimilu saqqummerpoq. Frankrigimi singleli "Coffee Boy" radiumi nuannarineqarnerpaanut ilanngussimavoq, Frankrigimiut millionilikkaat erinarsuusiaq sapaatit akunneranut arlaleriarlutik tusaasinnaallugu.

Qaammatinilu tulliuttuni nunani suli amerlanerusuni innuttaasut Nive Sings! tusaasinnaalissavaat. Qaammatimmi tulliani nuusiaa Islandimi saqqummissaaq, Tuluit Nunaanni Spaniamilu septembarimi, oktobarimilu USA-mi decembarimilu nunarsuup illuatunganai Australiami saqqummissalluni.

Læs også "Nive indtager verdensscenen"

Nunarput pitsaasumik eqqartorneqartippaa
- Ulapeqaagut, Nive Nielsenip aaqqissuisua Jan de Vroede Sermitsiaq.AG-mut oqarpoq, oqaluttuarlunilu nipilersoqatigiit sumi tamani tusarnaartitsivimminni nuannarineqartaqisut.

- Nunarpullu pitsaasumik eqqartorneqartippaa. Nuannerpoq takullugu nunarput pitsaasumik eqqartorneqartoq.

Tulliani Nive Nielsen & The Deer Children nunatsinniissapput Qaanaami Thulemilu nipilersusallutik nunatsinni USA-milu inuiattut ullorsiornermut atatillugu.

Aamma ulapaarfiusumik tusarnaartitsiartoqattaartussaapput, ukioq manna kingusinnerusukkut ilaatigut Tuluit Nunaannut Spaniamullu angalassallutik. Tamakkualu kingorna Nive Nielsen & The Deer Children nuusiaqqaamik Nive Singsip tulliissaa suliarissavaat.

Ukioq manna siusinnerusukkut Nive Sings! Danmarkimi, Belgiami, Hollandimi, Italiami Europallu kangiani arlalinni saqqummerpoq.

Powered by Labrador CMS