Taxanik ingerlatsitsup niviarsiaraq kanngunartuliorfigaa
Angut 51'inik ukiulik Nuummi nivissamik 15'inik ukiulimmik unioqqutitsilluni saassaarisimasutut unnerluutigineqartoq
Taxanik ingerlatitsisoq 51'inik ukiulik politiinit unnerluunneqarpoq nivissamik 15'inik ukiulimmik inatsisit unioqqutillugit saassaarisimasutut.
Taamak Nuummi Politiini pigaartoq Sermitsiaq.AG'imut ilisimatitsivoq.
Angutip 51'inik ukiullip arfininngornermi unnuakkut nal. pingasut aamma sisamat akornanni 15'inik ukiulik atoqatigisimavaa.
Atoqatigiinneq pinngitsaaliinerunngilaq kisianni niviarsissap taassumalu arnaata politiinut nalunaaruteqarnerisa kingorna misissuineq aallartinneqarpoq.
Angut pinerluttaaliisitsinermik inatsit paragraf 80 naapertorlugu unnerluunneqarpoq.
Paragrafi taanna qaqutigorsuaq atorneqartartoq ima nipeqarpoq:
”Atoqatiginninnissamut saasaarisutut eqqartuunneqassaaq kinaluunniit ukiumigut misilittakkamigullu inersimanerunerminik peqqarniitsumik atornerluilluni inummik 18-it inorlugit ukiulimmik kujannittoq, pinerluuteqartup nalusimanngippagu pineqartoq qassinik ukioqartoq imaluunnit tamatuma tungaatigut mianersuaalliorluni iliorsimaguni.”