Nunarput anngiortumik pilersaarusiorfigineqanngitsoq oqaatigaa

Danmark Kinalu nunarput aatsitassallu pillugit anngiortumik isumaqatigiinniutigineqanngitsoq Issittumik immikkut ilisimasalik isumaqarpoq

Kinap præsident Hu Jintao-llu Kalaallit Nunaannik soqutiginninnerannik ingasaassinissamut seniorforskeri mianersoqqusivoq Ass.: Polfoto

Nunarput aatsitassallu pillugit anngiortumik isumaqatigiinniutigineqanngilaq Hu Jintaoip Danmarkimi tikeraarnerani naammasseqqammersumi. Tassalu Martin Breum upperissagaanni:

- Eqqortuusorinngilara naalakkeersuisut (qallunaat Kinamiullu, aaqq.) Kalaallit Nunaat aatsitassallu pillugit isertortumik isumaqatigiinniarsimasut, tusagassiortoq Issittumilu ilisimasalik nunat tamat akornanni tusagassaqartitsivimmut Reutersimut Martin Breum oqarpoq.

Reuters naapertorlugu taamaalilluni isumaqarpoq Kinamiut præsidentiata Danmarki tikeraarnerat Kalaallit Nunaannik soqutigisaqarnermik aallaaveqartoq.

Reuterili allappoq, naak Hu Jintaoip tineraanera qallunaat suliffeqarfiutaannik isumaqatigiissutinik miliiardilikkaanik naleqartunik atsiorfiusussaagaluartoq, taamaattoq Kinamiut Kalaallit Nunaata aatsitassatigut pisuussutaannik pissarsinissamik siunertaqarsimasinnaavoq.

Tassalu peqqutiviusoq oqaluuserineqanngitsorli.

Powered by Labrador CMS