Nunatsinnit Ukrainemi peqataasoqarpoq
Kristoffer Petersenip 40.000 atorlugit arsamik EM'ertut isiginnaariarpai - Danmark malinnaaffiginiarlugu
Danskit arsaattunik nuannarisallit 4.000't Ukrainemi Lviv'imiittut unnummut Tysklandimut unamminissaannut isiginnaartussat akornanniippoq allanit sivisunerujussuarmik angalasimasoq.
Kristoffer Petersen, 63, siornatigut politiiusimasup sipaakkani atorlugit Nuummit danskit arsartartuinik minnerunngitsumillu nunanut allanut sungiusaasumik Morten Olsenimik tapersersuiartorluni isiginnaariarluni peqataavoq.
Taamak Ekstrabladet.dk allappoq, taakkua Kristoffer Petersen naapissimavaat, kalaallit danskillu erfalasuannik nassataqartoq.
- Morten Olsen peqaaraara taanna ataqqiniarlugu peqataavunga. Taassuma arsartarsimanera aammalu maanna nunanut allanut sungiusaasutut inissisimanera pillugu, Kristoffer Petersen oqarpoq.
- 2-0'imik ajugaassaagut. Soorlu ukiut 20't matuma siorna EM-finalimi taamak angusaqartugut.
Simon Poulsen aamma Nicklas Bendtner danskit isertitsisorissavaat, Kristoffer Petersen Ekstrabladet.dk'mut oqarpoq.