Hu Danmarkimit aallaqqippoq
Kinamiut præsidentiat, Hu Jintao, ulluni marlunni Danmarkimi pisortatigoortumik tikeraareerluni angerlamut aallaqqippoq
Annonse
Arfininngornermi nal. 14.30 kinamiut timmisartorsuat Københavns Lufthavnit tingivoq taamalu præsidenti taassumalu malittai ersikkunnaarput.
Præsident Hu, ministerinik inuussutissarsiuummillu ingerlatsisunik arlalinnik ilaqartoq maanna Mexicomut ingerlaarpoq ataasinngornermi marlunngornermilu G20 peqataaffigissallugu, suliniaqatigiiffik nunarsuarmi nunat aningaasaqarnerpaat 20't suleqatigiiffigisaanni ataatsimeeqataajartorluni.
Arfininngornermi ualikkut timmisartoqarfimmut ingerlalersigani ilaatigut statsminister Helle Thorning Schmidt (S) ataatsimeeqatigaa, taanna maanna Kinami tikeraarserneqarpoq. Kingusinnerusukkut tusagassiortunut ataatsimiisitsinermi oqarpoq ukiamut Kina tikeraassallugu.