Arsaarinnissuteqanngillat

Politiit sisamanngornermi Nuummi, Sisimiuni aamma Københavnimi ikiaroornartulerisartutut pasisamik akornanni misissuigamik taamaallaat inuit arfinillit tigusaraat.

Misissuineranni aningaasanik ikiaroornartumilluunniit arsaarinninngillat.

Taamak oqaluttuarpoq ikiaroornartulerisartut ittuat Finn Jeppesen Sermitsiaq.AG'mut.

- Arsaarinnissuteqassalluta neriuutigisimagaluarparput taamalli pisoqanngilaq, oqarpoq.

Misissuereernerup kingorna politiit tigusarigaluakkatik sisamat iperagaasippaat. Finn Jeppesen naapertorlguu taamak pisoqarpoq politiit naliliigamik tigusarinninnissaminnut uppernarsaatissakippallaarlutik. Politiit tamanna neriuutigisimagaluarpaat, Finn Jeppesen nassuiaavoq.

Finn Jeppesenip suli oqaatigisinnaanngilaa tigusarineqartut tuniniaasartut ittuisut taaneqarsinnaanersut.

Illit ilisimasaqarpit? Taamaappat Sermitsiaq.AGp aaqqissuisoqarfia ugguuna attavigiuk redaktion@sermitsiaq.ag