Inuiattut ullorsiorneq Danmarkimi ima nalliussineqassaaq
Kalaallit Illuutaata, ornittakkap Qiperup kiisalu Herstedvesterip juunip 21-ani pisussat saqqummiuppaat
Nunatsinniinuiattut ullorsiornerput aamma Danmarkimi nassiussineqartarpoq, sumiiffinnilu arlalinni pisussat inissipput.
Kalaallit illuutaani ullup annersaani nipilersornerumik aliikkusersuinermillu aaqqissuisoqassaaq.
UKioq manna oqalugiariartortitaq tassaassaaq Tjekkiamit aallartitaq Zdenek Lycka, taamatullu immikkuullarissumik toqqaaneq peqquteqarpoq tjekkiamiup nunatsinnik soqutigisaqarnerujussua. 1998-mi Knud Rasmussenip atuakkiaa "Myter og sagn" nutserpaa, ukiunilu kingullerni pingasuni Kalaallit Illuutaani kalaallisut ilinniarsimalluni soorlu aamma siorna sermersuarmik qarsutsilluni.
Aaqqissuisut aamma neriorsuipput storskærmeqassasoq qallunaat EP-mi kvartfinalimi unammeqataassappata.
Se hele programmet for Det Grønlandske Hus og Qiperoq her.
Ornittakkami Qiperumi Vesterbromeersumi inuiattut ullorsiorneq aamma malunnartinneqassaaq. Tamanna pissaaq kalaallit nerisassaataannik nerinermi soorlu appanik, mitinik, tuttumik puisimillu.
Herstedvesterimi ulloq oqlauttuarisaanermut pingaarutilik
Aamma Herstedvesterimi inissiisarfimmi inuiattut ullorsiorneq nalliussineqassaaq. Tamannalu oqaluttuarisaanermi pingaaruteqarpoq, inissiisarfimmi siullermeertumik kalaallit erfalasuat amuneqassalluni.
Parnaarussimi inspektøri Hans Jørgen Engbo nammineq nunatsinniit erfalasumik nassarsimasoq naapertorlugu tamannap issaaq, kalaallit inissiisarfimmiittut ileqquilu ataqqiniarlugit.
Siunissami aamma kalaallit erfalasuat ullorsiorfinni Dannebrogip saniani amuneqartassaaq.
Erfalasoq amuneqassaaq ualikkut sisamamut inissiisarfimmiillu kalaallit inissiisarfimmiittut qaqutunik annoraassaannik noqqasoqarpoq.