Ikiaroornartumut suliami tigusarineqartut arlaqarput
Politiit Nuummi, Sisimiuni Københavnimilu inuit arfinillit tigusaraat. Suli allanik tigusaqartussaapput
Politiit ikiaroornartumik paasiniaasartuisa sismamangnormat ullaakkut ataqatigiissaakkamik iliuuseqarput, tassanilu Nuummi, Sisimiuni Københavnimilu inuit arfinillit tigusarineqarput.
Tigusarineqartuniit marluk aanngajaarniutinut inatsimmik unioqqutitsisimasutut pasillerneqarlutik tigusarineqarput.
- Paasiniaaneq januaarimili ingerlanneqarsimavoq. Suliarujussuuvoq, politiit ikiaroornartumik paasiniaasartuini pisortaq Finn Jeppesen Sermitsiaq.AG-mut oqarpoq.
Suli arlaqartut tigusarineqassapput
Finn Jeppesen tigusarineqartut pillugit annertunerusumik oqaaseqarusunngilaq, itisiliinissanilu tunuarsimaarfigalugu.
Tamanna peqquteqarpoq politiit naatsorsuutigimmassuk suliami allanik aamma tigusaqarnissartik.
Politiit Danmarkimi politiit suleqatigisimavaat, ippassarlu naalagaaffeqatigiinneq akimorlugu sulinerminni inuit 12-t tigusaralugit.
Ilisimasaqarpit? Taava Sermitsiaq.AG-mi aaqqissuisoqarfik attaveqarfiguuk redaktion@sermitsiaq.ag