Kallerup innera qaqutiguinnaq Nuummik eqquisarpoq
Meteorologisk Institut naapertorlugu agguaqatigiissillugu ukioq allortarlugu Nuummi kallertarpoq
Annonse
Sisamanngormat ullaassakkut sisamat missaanni Pavia Tobiassenip takusassaq qaqutigoortoq assilivaa, Nuup Mittarfiata eqqaani kallerup innera assiligamiuk.
Meteoroligisk Institut naapertorlugu illoqarfiit pingaarnersaanni ukioq allortarlugu kallertarpoq, kallernerlu tamanna assersuutigalugu Kangerlussuarmi agguaqatigiissillugu taamaallaat ukiut tallimakkaarlugit misigineqarsinnaavoq.
Sisamanngornerup ingerlanerani Nuummi inuit kallerpaluk tusallattaartarpaat.
Kallerneq nunarsuarmi assigiinngitsunik akulikissuseqarluni takkuttarpoq. Indonesiami illoqarfimmi Bogor-imi agguaqatigiissillugu ullormut ataasiarluni kallertarpoq.