Ajortuliortoq "ulorianartoq" tigusarineqarpoq
Marlunngormat Politeeqarfik Sermersuumi Politiit pinartoqartillugu akulerutsinneqartartut sungiusarput. Tamanna pilersaarut malilluinnarlugu ingerlavoq
Politiit pinartoqartillugu akulerutsinneqartartoq ajortuliortoq "ulorianartoq" tigusaraat, Politeeqarfik Sermersuumi poliit pinartoqartillugu akulerutsinneqartartut marlunngormat Nuummi Politeeqarfiup Qullersaqarfiani sungiusartinneqarmata.
Sungiusarneq Nuummi Quassunnguami illup najugaqarfigineqartup eqqaani iluanilu ingerlanneqarpoq.
Sungiusarnermi politiit arlallit politiit pinartoqartillugu akulerutsinneqartartut sungiusaqatigaat, isumaqatigiinniartartoq immikkut ilinniagalik, qimmimik aqutsisoq qimmilik aamma Dronning Ingridip Napparsimmavissuanit ambulancimik ingerlatsisartut.
- Sungiusarnermi siunertaavoq isumaqatigiinniartartup immikkut ilinniarsimasup, qimmimik aqutsisup ambulancimillu ingerlatsisut suleqatigiinnerisa nukittorsarnissaa. Sungiusarnermi peqataasut arlalinnik ilikkagaqarput misilittagaqarlualerlutillu, siunissami pinartoqartillugu iliuuseqarnernut atatillugu atorneqarsinnaasunik, vicepolitikommissær Carl Sværd, Nuuk Politiineersoq, oqaluttuarpoq.
Nuummiut alapernaatsut arlallit silagissuup ataani politiit sungiusarnerat malinnaaffigaat.