Ajunaalernermi kalerrisaatut piviusuunngitsoq politiinik paamisaarineruvoq
Politiit isumaqarput tallimanngornermi Tasiilap eqqaani ajunaalernermi kalerrisaarut nukappiarapiluusaarutaasoq
Tallimanngormat Aasiaat Radionit ajunaalernermi kalerrisaarut tusaaneqarpoq, kingornalu politiit qulimiguulimmik ujaasilerlutik. Sapaatilli akunnerata naanerani Tasiilap eqqaani inunnik maqaasisaqartoqanngimmat politiillu inunnit ajunaalernernik kalerrisaarummi nipimik ilisarinnittunik saaffigineqanngimmata naatsorsuutigaat ajunaalernermi kalerrisaarut piviusuunngitsuuvoq.
- Iliuuserisinnaasavut killeqarput. Periarfissatuaavoq inuit nipimik immiussamik ilisarinninnissaat, Nuummi politiini sulisoq Carl Sværd Sermitsiaq.AG-mut oqarpoq.
Læs også "Mayday Mayday Mayday"
Kalerrisaarut Pingels Fjeldimi Tasiilallu avannaani Sermiligaami napparutinit tusaaneqarpoq.
Ajunaalernermik kalerrisaarut uani tusaasinnaavat – nipaalu ilisarigukku Nuuk politiinut attaveqarlutit 32 14 48-mut imaluunniit nunatsinni sakkutooqarfimmut 69 19 11-mut.